شوية فضفضة.....

**ayakimo** الأحد نوفمبر 15, 2009 10:59 am

الحب دة مش مجرد كلمة يقولها اثنين وهم ماششين على كبرى قصر النيل فى ساعة صفا Wink

ولا كلمة ممكن نضحك بيها على
بنت حلوة وتقع فى غرام اللى بيقولها ولا هى حرب زى ما كتير بيقولوا عليها فيها غالب ومغلوب هى ممكن تكون كلمة بس هى اصلا احساس واحساس صعب فى اغلب الاوقات ونادرا لما يبقى حلو وممتع بس انا من وجهة نظرى ان مفيش حب فى الوقت اللى احنا فية غير نادر جدا لما تلاقى حد مخلص او بيحب شخص اخر لان دلوقتى بالذات الشاب الكول كل اللى بيفكر فية هو ازاى يمشى مع بنت تكون حلوة وبس ودة اللى معظم الشباب بيعملوة حاليا و البنات اغلبهم مش كلهم بيفكروا معظم الوقت فى انها تتجوز ولد وسيم وظريف وخفيف واقتصادى وسهل الغسيل والكى ويكون عندة فلوس وعمرة ما عرف واحدة تانية غير امه وجدتة واخواتة البنات لو عندة ونيجى هنا ونقول خليك كول على طول...... هاحكى حكاية صغيرة قوى عن واحد صحبى ايام المدرسة الثانوى كان كل يوم وهو ماشى معانا واحنا مروحين من المدرسة كان بيشوف بنت حلوة قوى وكل يوم تركب معاة الاوتوبيس اللى ب 50 قرش وتنزل معاة عند المكان اللى هو ساكن فية وفي يوم من الايام وقع فى حبها للأسف وبدأ يتشد ليها وراح يكلمها وكانت بتقوله انها عمرها ما حبت حد او عرفت شاب غيرة وقعد على الحال دة سنة كان عامل زى الاسد اللى بيدافع عن عرينه لما حد يتكلم عليها وحش سواء ولد او بنت كان يقول على نفسة يا رحمن يا رحيم وكانت والدتة عارفة الموضوع دة وطبعا كانت بتبحث ورا البنت دى اللى لو فى نصيب هتبقى مرات ابنها واكتشفت الحقيقة المرة .......
ان البنت دى لما سألت عليها سمعت عنها كلام مش حلو انها كانت بتمشى مع شباب وكانت وكانت
و..................طبعا صاحبى دة اكيد قلبة مش حجر وقال يبقى ذكى ويروح يقولها على اللى سمعه من والدتة قالت لة ....ان والدتة ممكن تكون كدابة وبتوقع بينهم ,,,,يعنى كل اللى الواد عرفة دة ولسة بتكذب عليه تانى يلا مش مهم اصل الناس الطيبة هم اللى ديما بيتضحك عليهم
بس دى بتبقى مواقف بتعدى فى حياتنا بنعيشها ونحسها وتقصر فينا كتير ونتوجع منها اكتر بس ما فيش حد بيفضل مكانه الدنيا بتمشى والحياة لسة شغالة مش هاتقف على حد اللى يمشى هتلاقى غيرة كتير,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
واخيرا كل اللى عايز اقولة ان الانسان مهما قابل لو مليون بنت فى حياته مش هايكون نصيبة غير بنت واحدة بس هى اللى نصيبة والبنت لو قابلة كل الشباب اللى فى الدنيا ليها نصيب هو اللى ربنا مختارة ليها وهو اللى هاييجى فى يوم من الايام يحبها وتحبه بس فين وامتى دى حاجة ربنا هو اللى كاتبها ودة مفروغ منة مش هانتكلم فية تانى بس نيجى هنا لمشاكل كتير انك ممكن تلاقى واحدة تكون كويسة وبنت حلال بس فيها عيوب مش هاقول ان فى بنى ادم كامل لا بس فى شخص قابل للتغيير وهو دة اللى يفرق بجد فى الشخصية لما تتعامل مع شخص يكون فى عيب معين بس ممكن يغيرة او يمسحة من شخصيتة بعكس بنى ادم تانى بيبقى عنيد واللى فى دماغة هو اللى بيحصل وبس حتى لو كان غلط ,,,, وانا رغيت كتير وفضفضت كتير وكفاية كدة
وياريت اللى يرد على الموضوع يقولى اية الحب من وجهة نظرة بجد وازاى يختار شريكة حياتة فى الوقت اللى احنا فية دة..........ayakimo