اغلس النكت ممكن تسمعها او سمعتها فى حياتك

هذه مجموعة من النكت - غاية فى الغلاسة - أهديها لكم يا إخوانى
والله بدون حقد أو ضغينة
مع خالص حبى و تحياتى
صعيدى ضحك نسى بقه مفتوح
مرة واحد خس حطوه فى السلطة
مرة واحد حب طحنوه
اتنين بيلعبوا كورة واحد شاط والتانى اتحرق
صعيدى نزل محطة الرمل رجله غرزت
صعيدى راح لدكتور بلدياته قاله كل ماحط ايدى على عينى ماشوفش الدكتور خرامله ايده
صعيدى غرق مات محروق
صعيدى عمل باب زجاج حط فيه عين سحرية
صعيدى حب يطور الهليكوبتر شال المروحة وحط تكييف
صعيدى اشترى لابنه الة حاسبة شال منها الزيرو
صعيدى عايز نضارة بيسالوه للشمس قالهم لا ليا
صعيدى مسافر يحج بيقول لاصحابه لو شدينا حيلنا ممكن نرجع قبل العيد
واحد خلقه ضاق اداه لاخوه الصغير
واحد عداه العيب خد اللى بعده
غلس بيعاكس واحدة قالتله حل عنى قالها فين الاسئلة
غلس عينوه فى المطافى غير النمرة
مرة واحد دماغه لفت قابلها فى الشارع التاني
بيقولو لسكران انت شارب قالهم لا لحية
احول بيغمز لبنت دخل فى العامود
مرة واحد فك مفترس معرفش يربطه
واحد تزوج امرأه بيضه سلقها واكلها
مرة واحد راح ماعرفش يرجع
صعيدى دخل الجهادية طلع من الجهة التانية
واحد سافر المغرب رجع العشاء
فرعونى حب واحدة قالها امون فيكى
فرعون قعد على قهوة طلب واحد امون
احسن خمس حاجات فى الدنيا تلاتة الشاى والقهوة
صعيدى بياكل لبانة حلف ماينام الا ماتخلص
حكم كورة قعد على قهوة طلب واحد صفر
الانسان زى البنى ادم لما بيموت بيتوفى
واحد بيسال واحد فين محطة العتبة قاله شفنى هنزل فين وانزل اللى قبلها
واحد كل يوم يقوم من النوم مستغرب يوم قام مش مستغرب فاستغرب
سكران وقع على باب العمارة البواب بيقوله جات سليمة قاله خليها تطلع
واحد بيحب يعتمد على نفسه اتجوز واحده زيه خلفوا واد قال للدكتور وسع ايدك انا هاطلع لوحدى
واحد غلس عرف رقم موبايل عفريت كل يوم يبعتله مسج فيها اعوذو بالله من الشيطان الرجيم
غبى بيقول لواحده اسمك ايه قالتله اسماء قالها يعنى مفيش اسم محدد
كسلان بيسالوه لما تصحى من النوم تعمل ايه قال اخد قسط من الراحة
واحد كسلان حب يدهن جدار بيتهم دهن نصه وحط 3 نقط وكتب الى اخره
ادخل علي التقيل
ليه ابوتريكة بيلبس فانلة 22 ؟
عشان 21 ضيقة عليه
طب ليه مبيلبسش 23 ؟
عشان فلافيو بيلبس 23
طب ايه هو الحيوان التعيس؟
القطة
ليه؟
عشان ديما تخربش ومتكسبش
طب ايه الحيوان اللي دايما مشغول؟
الخرتيت .. تيت .. تيت
طب ايه الحيوان اللي بياكل ويشرب بديله؟
الحيوانات بتاكل وتشرب بدلها .. عمرك شفت حيوان ساب ديلو وراح ياكل؟
طب ايه اقدم حيوان؟
الحمار الوحشي .. عشان ابيض واسود
طب ايه هو اجدد حيوان؟
القنفد .. ليه ؟
عشان بشوكه
اجدد حيوان هو الكنجارو علشان بكيسه
طب ليه التلاجة غبية؟
عشان بتحفظ الاكل .. مبتفهموش
لســـــــــــــــا عندك نفس تكمل
خدوا دول كمان
واحد عنده 100 ولد جابلهم ميتسوبيشي و كل واحد خد سوبيشي
مرة حلة رز شاطت جابت جون
ليه الانسان مفيهوش بزر؟؟؟
علشان بصرة!!!!!!!
ليه الاهرامات منتعشة ؟؟؟؟؟؟؟؟
علشان قدامها ابو الهولز!!!!!!!!
ليه eminim بيركب ميكروباص؟؟؟؟؟؟؟
علشان ماشي ومعاه 50 cent
ليه مينفعش تلعب كورة يوم الجمعه؟؟؟؟؟؟؟
علشان الكورة بتبقى مع دريم!!!!
ليه الغواصين بيتكلموا بلغة الاشارة؟؟؟؟؟؟؟؟
علشان الحيتان ليها ودن
طب ايه اقدم حيوان؟
الحمار الوحشي .. عشان ابيض واسود
طب ايه هو اجدد حيوان؟
القنفد .. ليه ؟
عشان بشوكه
اجدد حيوان هو الكنجارو علشان بكيسه
__________________

أَلَمْ يَأْنِ لِلَّذِينَ آمَنُوا أَن تَخْشَعَ قُلُوبُهُمْ لِذِكْرِ اللَّهِ
















رجاء خاص :



--------------
محدش يدعى عليا بعد قراءة هذه النكت




وشكرا .......................................