هو دة اخر موضوع!!!!!!!!!!!!!!!!!!!!!!!!!!!!

بسم الله الرحمن الرحيم

دة اخر موضوع ليا ف المنتدى انا هاقول على قصة حلوة قوى بس نهايتها مش قوى قصة واحد صاحبى كان
صغير ف نظر الناس بس ربنا وهب لة حجات كتيرة قوى يمكن تكون الحجات دى موجودة عند ناس كتير بس
المهم يستعملها ازاى كان تفكيرة ف الاول زى اى شاب مراهق مش بيفكر غير ف البنات بس بطريقة مختلفة شوية يعنى كان نفسة البنت اللى يرتبط بيها يكون اول واحد فى حياتها او يعنى ما تكونش عرفت حد قبل كدة وكان بيدور عليها لحد ما قابل واحدة هى مش بعيدة قوى هى زى ما تقول كدة حب الطفولة هى كانت قريبتة وكانوا سوا
ف كل حاجة الخروج والبيت كمان وكل دة مفيش اى حاجة ف مشاعرهم وجة اليوم الموعود اللى صارحها بحبة
ليها وتقبلت الحكاية و كانو مع بعض فترة طويلة لحد ما ابتدى يحس بانها مش زى الاول مشاعرها اتغيرت مش
زى الاول خالص قالها على الحكاية دى اتهربت من الرد وفى الاخر عرف من اخوة انها بتحب واحد تانى ......
ساعــــتها : الخبر وقع علية زى القضى المستعجل وراح تانى يوم بعد التفكير الطويل عشان يشوف اية الحكاية
وكلمها فى الاخر تقوله انها ما كانتش بتحبة وتقولة حاول تخلينى احبك ساعتها كان حاسس انة صغير جدا او هو اللى صغر نفسة لانة ف يوم كان بيحب بنت زى دى وخلص الحوار وانتهى المشوار وتحطم القلب البرئ وتحطمت الامال وكل شئ راح يا انشراح**********************************************
قال:اكيد فى حاجة غلط اكيد مش كل البنات كدة حاول يجرب تانى لحد
ما شاف بنت تانى ماكانتش حلوة قوى بس طيبة قوى ابتدى المشوار ونفس الحكاية كان صاحبى دة ف يوم من الايام حاجة جامدة منعته من انة يشوفها لفترة لا تتعدى الشهرين هو كان عارف ان دى مدة كبيرة بس كان مضطر لان كانت المشاكل تمنعه من انة يشوفها او يكلمها وفجأة ومن غير مقدمات : شافها ماشيه مع واحد تانى
ازاى حصل مش عارفين لا انا ولا هو قال اوكى مش عيب طبعا كان قاعد يفكر ازاى ممكن يكون فى
بنى انسان بالطريقة دى اكيد دول عفاريت وجات اللى بعديها وكانت دماغها تعبانة غير دماغه خالص بس كانت
بتحبة ونظرآ لانها كانت غبية زهق بسرعة وطفش منها ومن ساعتها قرر انة عمرة ما يحب تانى ابدا******
وابتدا يقرب من ربنا لان دة اللى هاينفعه ف الاخر وابتدا ذكاءة يزيد يوم عن يوم ويعرف ناس واخبار كتير
عن الناس اللى حبهم قبل كدة وابتدا يهتم بشغلة وما يفكرش ابدا فى الحجات دى لانة مجرب وكان ديما ملك نفسة
مفيش حاجة مسيطرة علية غير ربنا سبحانة وتعالى لانة المسيطر على كل شئ بسسسسسسسسسسسسسسسسس
الشيطان صايع وقديم قوى عمل ف صاحبى فصل مش كويس خالص وقعه ف حب واحدة تانية شافها ف مرة
وكل دة وهو مش عايز يتعلق بيها بس حصل اللى حصل واتعلق ولما كان بيشوف حد بيكلمها كان بيموت
ميت مرة بس هو دلوقتى حاسس ان الموضوع ابتدئ يتدمر او زى ما بيقولوا حب من طرف ثالث دة مش خطأ
ف الكتابة دة فعلا حب من طرف ثالث وصاحبى طبعا مشاعرة متدمرة لانة مش طايل سما ولا ارض ولا حتى
سحاب ولو الموضوع دة باظ هو كمان هيكون تاثيرة مش حلو خاااااالص على صاحبى دة ****
و دى كانت حكاية صاحبى الانتيخ اللى مش عارف مصيرة هايبقى اية

ـــــــــــــــــــــ واسف جدا على الاطالة بس صاحبى دة يهمنى جداـــــــــــــــــــــــــــــــ