ااااه على حالى

pop الثلاثاء يونيو 08, 2010 1:00 pm

اه على حالى
اه عليكى يادنيا واه على حالى
سؤال ليكى فى ثانية مالك ومالى
بقيت فرجة ومشهد والكل سامع موالى

اى حاجة مؤلمة حياتى بيها مسلمة
وكل مااطلع مرة بنزل الف سلمة
وبقيت فى ضعفى اضعف من الضعيف
وحياتى ماشية زى اوراق الخريف

بضحك من جوة عينى
وقلبى مغروس فى سيف
لا ده الضعف اقوى منى
والشيب فى شبابى سنى
ماكفاية قسوة كدة
وبزيادة مر وحنى

لما الميزان يختل
وابن الاصول يتذل
وصوت الضمير يتشل
وحياتى تبقى مضلمة

اى حاجة مؤلمة حياتى بيها مسلمة
وكل مااطلع مرة بنزل الف سلمة
وبقيت فى ضعفى اضعف من الضعيف
وحياتى ماشية زى اوراق الخريف

ياجراحى اقوى لااقويكى
واجرح اكتر واكتر فيكى
عشان تموتى ومبقاش احس
ويبقى ذنبى منك وفيكى

صبرك عليا ياذكرياتى
اوعدك هبدأ حياتى
ويا اموتك وادفن معالمك
اوتكتبى شهادة وفاتى

هتحدى واوصل واعافر
من جرح كبير وكافر
واقفل شنطة ذكرياتى
وارميها فى بحر مسافر

اى حاجة مؤلمة حياتى بيها مسلمة
وكل مااطلع مرة بنزل الف سلمة
وبقيت فى ضعفى اضعف من الضعيف
وحياتى ماشية زى اوراق الخريف

مش هبكى على حبيبتى اللى جرحتنى
وبأديها مشيت وسابتنى
ولا هبكى على الصحاب
سكة سراب عن طريقى بعدتنى

مش هبكى على اللى فات
اللى فات فى تاريخى مات
او هيبقى قصة واسطورة
تتحكى مع الحكايات
بس هبكى لما افرح
وعمرى فى حياتى ما هجرح
ولولادى ولاد ولادى
فى حكياتى هشرح

اى حاجة مؤلمة حياتى بيها مسلمة
وكل مااطلع مرة بنزل الف سلمة
وبقيت فى ضعفى اضعف من الضعيف
وحياتى ماشية زى اوراق الخريف
اهداء 2 (esra2)